RSS NEWS

  • ఆర్.ఎస్.ఎస్ శాఖను ఆపేందుకు ప్రయత్నించిన సిపిఎం దుండగులు
    ప్ర‌శాంతంగా, శాంతియుతంగా జ‌రుగుతున్న ఆర్‌.ఎస్‌.ఎస్ శాఖ‌ను కమ్యూనిస్ట్ పార్టీ ఆఫ్ ఇండియా (CPM), డెమోక్రటిక్ యూత్ ఫెడరేషన్ ఆఫ్ ఇండియా (DYFI)కి చెందిన కొంతమంది దుండ‌గులు అడ్డుకోవ‌డానికి య‌త్నించారు. కేర‌ళ‌లోని మలప్పురం జిల్లా కొట్టక్కల్‌లో ఫిబ్రవరి 6న రాత్రి ఈ సంఘ‌ట‌న చోటు చేసుకుంది. శాఖ ముగింపు స‌మ‌యంలో నమస్తే సదా వత్సలే మాతృభూమి…. అంటూ ప్రార్థ‌న చేసే స‌మ‌యంలో దుర్మార్గులు వ‌చ్చి దౌర్జ‌న్యం చేశారు. అయినా వారిని ప‌ట్టించుకోకుండా, శాఖ‌కు అంత‌రాయం క‌ల‌గ‌నివ‌కుండా స్వ‌యంసేవ‌కులు సంఘ […]
  • సామాజిక స‌మ‌ర‌స‌తా వేదిక ఆధ్వ‌ర్యంలో సంత్ ర‌విదాస్ జ‌యంతి
    సంత్ రవిదాస్ జయంతి పురస్కరించుకుని సామాజిక సమరసత వేదిక ఆధ్వర్యంలో ఫిబ్రవరి 4న‌ దిల్ సుఖనగర్ బాగ్ లో ఘ‌నంగా కార్యక్రమం జరిగినది. ఈ కార్యక్రమంలో వివిధ రంగాలకు సంబంధించిన పెద్దలు పాల్గొన్నారు. ఈ కార్య‌క్ర‌మానికి ముఖ్య అతిథిగా హాజ‌రైన తెలంగాణ ప్రాంత సామాజిక సమరసత ప్రముఖ్ శ్రీ అప్పాల ప్రసాద్ గారు ఈ సంద‌ర్భంగా మాట్లాడుతూ “చెప్పులు కుట్టే చమర్ కులంలో మాఘ పౌర్ణమి కాశీ వద్ద సీర్ గోవర్ధన పురంలో జన్మించి, బాల్యం నుండే […]
  • Sant Ravidas Jayanti in Mumbai – What RSS Sarsanghchalak actually said..!!
    The pervert mentality that takes glee in twisting the Rashtriya Swayamsevak Sangh’s ideology was yet again evident when the media at large misreported Sarsanghchalak Dr. Mohan Bhagwat Ji’s words. The media not only mistranslated his speech but also coloured it in its own hue when he spoke on the occasion of venerated saint Sant Rohidas […]
  • మతమార్పిడిని వ్యతిరేకించిన సంత్‌ రవిదాస్‌
    ఫిబ్రవరి 5, మాఘ పౌర్ణిమ సంత్ రవిదాస్ జయంతి…  – ప్రవీణ్‌ గుగ్నాని దాదాపు 650 సంవత్సరాలకు పూర్వం 1398లో మాఘ మాసం పౌర్ణిమ నాడు కాశీలో జన్మించిన సంత్‌ రవిదాస్‌ లేదా సంత్‌ రై దాస్‌ మతమార్పిడులను వ్యతిరేకించిన, మతమార్పిడికి గురైనవారిని స్వధర్మంలోకి తీసుకువచ్చేందుకు పునరాగమనాన్ని ప్రోత్సహించిన ప్రప్రధమ సంత్‌ అని చెప్పవచ్చును. భారతదేశంలో చాలాసంవత్సరాలుగా మతమార్పిడులు సాగుతున్నాయి. 12వ శతాబ్దంలో ముస్లిం దురాక్రమకారులు భారత్‌పై దండెత్తినప్పుడు ఇక్కడి అపారమైన సంపదను దోచుకోవడంతోపాటు తమ మత […]
  • వరంగల్ లో విదేశీముస్లిం మత ప్రచారకుడిని అడ్డుకున్న VHP కార్యకర్తలు
    భారతదేశ వీసా నిబంధ‌న‌లను ఉల్లంఘిస్తూ దేశంలో పర్యటిస్తున్న సూఫీ పీర్ సాకిబ్ ఇక్బాల్ షమీ అనే పాకిస్థానీ-బ్రిటిష్ ఇస్లామిక్ ప్రచారకుడు వరంగల్ ఆజాం జాహి మిల్ గ్రౌండ్ లో శనివారం రాత్రి నిర్వహించే ముస్లిం మత ప్రచార సభలో పాల్గొనకుండా లీగ‌ల్ రైట్స్ ప్రొటెక్ష‌న్ ఫోర‌మ్ (LRPF), విశ్వహిందూ పరిషత్ వరంగల్ మహానగర్ కార్యకర్తల ఫిర్యాదు మేర‌కు పోలీసులు అత‌న్ని నిలువరించారు. వివ‌రాల్లోకి వెళితే.. పాకిస్తాన్ లో జన్మించి బ్రిటన్ పౌరసత్వం స్వీకరించిన సూఫీ పీర్ సాకీబ్ […]
  • ఢిల్లీ సుల్తాన్ ను ఎదుర్కొన్న సంత్ రవిదాస్
    -కె. సహదేవ్  ప్రస్తుత ఉత్తరప్రదేశ్ రాష్ట్రంలోని దివ్యక్షేత్రం వారణాసి సమీపంలో `సీర్ గోవర్ధన్పూర్’ గ్రామంలో, 15-16వ శతాబ్దoలో పవిత్ర మాఘ పౌర్ణమి రోజు, సంత్ రవిదాస్ జన్మించారు. మాతా కల్సాన్, సంతోఖ్ దాస్ లు ఆయన తల్లిదండ్రులు. ఈరోజు ఆ ప్రాంతం, `శ్రీ గురు రవిదాస్ జన్మస్థాన్’ అని పిలవబడుతోంది. ప్రసిద్ధ బ్రాహ్మణ వైష్ణవ గురువు శ్రీ రామానంద ఆయనకి గురువు, ఇది శ్రీరామానంద సాంప్రదాయం అని పిలవబడుతోంది.. ”నా గురువుని కనుగొన్నాను, నా జన్మ ధన్యమైంది; […]
  • VIDEO: మరో శివాజీ తాంతియభిల్
    స్వాతంత్రం కోసం తమ శక్తి సామర్థ్యాలకు పదునుపెట్టి కొత్త చరిత్ర సృష్టించిన త్యాగ పురుషులు అనేక మంది ఉన్నారు. అలాంటి వారిలో ఒకడు తాంతియభిల్. భీల్ తెగలో జన్మించిన ఈ వీరుడు బ్రిటీష్ వారి సామ్రాజ్యవాదాన్ని వ్యతిరేకిస్తూ అత్యంత సాహసోపేతంగా పోరాడాడు The post VIDEO: మరో శివాజీ తాంతియభిల్ appeared first on VSK Telangana.
  • శ్రద్ధాంజలి
    భారత ఆణిముత్యం, అరుదైన మణి, విశిష్ట సంస్కృతీ పూజారి, కళాతపస్వి పద్మశ్రీ కె. విశ్వనాథ్ గారి హటాన్మరణం సినీరంగానికే కాక తెలుగు ప్రాంతాలకు, ప్రజలకు తీరని లోటు మిగిల్చింది. తెలుగు సినిమాకు విలువలు జోడించి, భారతీయ సంప్రదాయానికి, పరంపరకు, శాశ్వత సత్యానికి ప్రాధాన్యతనిస్తూ, ప్రపంచస్థాయికి చేర్చడానికి కృషిచేసిన సఫల సాధకుడాయన. అనేక కళాకారులను వెలికితీసి, తెరపైన, తెర వెనుక ప్రోత్సహించి, వారి నైపుణ్యాలకు అత్యద్భుతమైన పదునుపెట్టి, సినిమారంగానికి అరుదైన సేవలను అందించిన మహానుభావులు కాశీనాధుని విశ్వనాథ్ గారు. […]
  • మార్గదర్శి `కళాతపస్వి’
    దర్శకులు శ్రీ కాశీనాధుని విశ్వనాథ్ గారు వెండితెరకు ఇటీవలి ఋషి. ఉదాత్త, ఉన్నత సందేశాలు కలిగిన చలనచిత్రాలను హృదయాలకు హత్తుకునే విధంగా ప్రేక్షక లోకానికి అందించిన అరుదైన తార. విశ్వనాథుని తపస్సుతో వెండితెరకు దిగివచ్చిన `శంకరాభరణం’, `సాగర సంగమం’, `స్వాతిముత్యం’, `స్వయంకృషి’ మొదలైన చిత్రాలు ప్రేక్షకులలో భారతీయ ఆత్మను ప్రకాశింపజేస్తూనే ఉంటాయి. ఘనవిజయాలు, విశిష్ట అవార్డులు వరించినప్పటికీ, వాటన్నింటినీ పరమేశ్వరానుగ్రహంగా తలదాల్చి, తనను శివసేవకునిగా ప్రకటించుకున్న విశ్వనాథ్ వినయం ఆయనలోని ఔన్నత్యం. మానవీయతను ఉద్ధరించే కళలు దెబ్బతింటున్న […]
  • ఎస్పీ & ఆర్జేడీ గుర్తింపు రద్దు కోసం సీఈసీని కలవనున్న VHP
    న్యూఢిల్లీ: సమాజ్‌వాదీ పార్టీ (SP), రాష్ట్రీయ జనతాదళ్ (RJD) రిజిస్ట్రేషన్‌ను రద్దు చేయాలని విశ్వ హిందూ పరిషత్ జాతీయ వర్కింగ్ ప్రెసిడెంట్ శ్రీ అలోక్ కుమార్ జీ డిమాండ్ చేశారు. ఈ మేర‌కు ఆయ‌న భారత ప్రధాన ఎన్నికల కమిషనర్‌ను క‌ల‌సి విజ్ఞ‌ప్తి చేయనున్నారు. ప్రజాప్రాతినిధ్య చట్టం 1951లోని సెక్షన్ 29Aపై CEC దృష్టి సారించాల‌ని, దీని ప్రకారం ప్రతినమోదిత రాజకీయ పార్టీ మెమోరాండమ్‌లో పార్టీ నిజమైన విశ్వాసం, విధేయతతో సహా లౌకికవాదం, ప్రజాస్వామ్య‌బ‌ద్ధ‌మైన ఒక నిర్దిష్ట […]

సమర్థ రామదాస స్వామి – సామాజిక సమరసత

శ్రీ సమర్థగురు రామదాస్ (విక్రమ. సం. 1665-1739; క్రీ.శ. 1608-1682)

గురు సమర్ధ రామదాస స్వామి జయంతి (17 ఫిబ్రవరి) సందర్భంగా……

సమర్థగురు రామదాసస్వామి ప్రపంచంలో మహాత్ములైన యోగులలో ఒకరు. మహారాష్ట్రలో `జామ్బ్’ అనే  గోదావరీతట ప్రాంతంలో జన్మించిన వీరు చిన్నతనం నుంచీ శ్రీరామ, శ్రీ ఆంజనేయ భక్తుడు. వివాహ సమయంలో పురోహితుడు ముహూర్త సమయానికి `సావధాన’(జాగ్రత్త) అనగానే లేచి వెళ్ళిపోవడానికి సిద్ధమయ్యారు.

అఖండ సాధన 

గోదావరీతట `నాసిక’ వద్ద శ్రీ సమర్థగురు పన్నెండు సంవత్సరాల కఠోర సాధన చేసారు. ప్రాతఃకాలం నుంచి మధ్యాహ్నం వరకు గోదావరి నీళ్ళల్లో నుంచుని గాయత్రీ మంత్రజపం చేసేవారు. శ్రీరామనామజపం `శ్రిరామజయరామ జయజయరామ’ మంత్రాన్ని పదమూడుకోట్లసార్లు జపించారు. తర్వాత దేశమంతా తీర్థస్థలాలు పర్యటించారు. పండరీపురంలోనూ ఆయనకు ఆ రాముడే కనిపించాడు. అక్కడే ఆయన భక్త తుకారామ్ ను కూడా కలిసారు. ఆ కాలంలోని దేశ సామాజిక, రాజకీయ, ఆర్ధిక దుస్థితి చూసి ఆయనకు చాలా దుఖం కలిగింది. సాక్షాత్తు శ్రీరాముడే వీర శివాజీకి సహాయం చేయమని ఆదేశించినట్లు ఆయనకు తోచింది.   

కుల,భేదభావాలు

సమాజంలో కుల వైషమ్యాలు, ఒక పెద్ద వర్గం అవమానానికి గురై బాధ పడడం చూసి,  శ్రీ సమర్థగురు రామదాస్ ఎంతో మనస్తాపం చెందారు. ఈ భేదభావాలను సమూలంగా తొలగించడానికి సమాజాన్ని జాగృతం చేసే పనికి ఉపక్రమించారు. ఇదే విషయాన్ని తమ ప్రఖ్యాత `దాసబోధ’ గ్రంథంలో సైద్ధాంతికంగా తెలియచేస్తూ, `పెద్ద- చిన్న, రాజు- పేద, స్త్రీ -పురుష తారతమ్యాలు ఏమీ లేవు, అందరూ ఒకటే, అందరిలోనూ ఒకే పరబ్రహ్మము ఉంటాడు’ అని బోధించారు. `బ్రాహ్మణుడైనా, శూద్రుడైనా, రాజైనా, ప్రజలైనా, అందరిలోనూ పవిత్రమైన పరబ్రహ్మము ఒక్కటే’ అంటూ ఆయన సమస్త మానవులలోనూ ఒకే భగవత్ స్వరూపాన్ని దర్శించి, కుల విభేదాలని తోసిపుచ్చారు. అందరి హృదయాలను సంభాలించడమే దైవభజన అని చెప్పారు. `సంత్ చోఖామేలా’,`వర్కారి సంప్రదాయం’లో (శ్రీ పాండురంగ భక్తి సంప్రదాయం) `మహార్’కులానికి చెందిన స్వామీజీ గురించి వ్రాస్తూ… `అనాథనాథుడైన భగవంతునికి ఏ జాతి లేదు, ఆయన `చోఖామేలా’తో కూర్చుని పాలు, పెరుగు భోజనం చేస్తాడు’ అన్నారు. మరొకచోట వ్రాస్తూ `ఎక్కువ తక్కువ కులాలనే వ్యత్యాసం లేదు. హరినామ సంకీర్తనతో నిండిన అటువంటి వ్యక్తుల పవిత్ర పాదధూళికి నేను నమస్కరిస్తున్నాను’ అన్నారు. `ఇంకొకరి స్పర్శమాత్రం చేత అపవిత్రమైపోతే నీదేపాటి పవిత్రత? పెద్ద-చిన్న కులభేదాలను తోసిపుచ్చి అందరినీ హృదయపూర్వకంగా ప్రేమించండి, ఆదరించండి; అప్పుడే అందరి హృదయాలు పునీతమౌతాయి’ అన్నారు. 

`అంటరానివారి’తో భోజనం, దక్షిణ

చాఫల్ ప్రాంతంలో, భేర్వాడి గ్రామంలోని `అంటరానివాళ్ళు’ అనబడే దంపతులను, శ్రీ సమర్థగురు రామదాస్ తమ శ్రీరామనవమి ప్రవచనాలకు ఆహ్వానించారు. వారు `మాండ్’ నదిలో స్నానం చేసిన తరువాత, సంప్రదాయానుసారం వారిద్దరికీ చీర-ధోవతులు పెట్టి, సహపంక్తి భోజనం కావించి, దక్షిణ సమర్పించారు. ఆ కాలంలో ఈ సంఘటన ఒక గొప్ప విప్లవంగా పేర్కొనవచ్చని డా. సచ్చిదానంద పర్లికర్ తమ పుస్తకంలో వ్రాసారు, `కులం, వర్ణం, ప్రాంతం, భాషా భేదాల పేరుతో, మనుషుల మధ్య  అంతరాలు శ్రీ సమర్థగురు రామదాస్ గారికి ఎంతమాత్రం అంగీకారం కాదు’ అని వ్రాసారు.  శ్రీ సమర్థగురు రామదాస్ అంటారు. `భక్తిమార్గములో వెళ్లే ప్రతి వ్యక్తి పరమాత్మ అనుగ్రహానికి పాత్రుడే, అన్ని వర్ణాలు దీనికి అర్హులే, చిన్నా-పెద్దా ఎవరూ లేరు, మూర్ఖుడైనా భగవంతుడి నామస్మరణతో భవసాగరాన్ని దాటవచ్చు. మంచి పనులు చేసే వ్యక్తి శ్రేష్టుడు, చెడు చేసేవాడు నికృష్టుడు, కర్మానుసారం మనుషులు పాపకర్మలు లేక పుణ్యకార్యాలు చేస్తుంటారు’ అని ఉద్బోధించారు.

దేశోద్ధారణ

ఆ కాలంలో భారతదేశం మీద ఇస్లాంమత దాడులనుంచి దేశాన్ని విముక్తం చేయడానికి శ్రీ సమర్థగురు రామదాస ప్రణాళికాబద్దంగా కృషి చేసారు. పవిత్ర కృష్ణానది ఉద్భవించిన మహాబలేశ్వర్ కొండలలో ఆయన ప్రధమంగా శ్రీ వీరహనుమాన్ దేవాలయం, మఠం నిర్మించారు; ఆ తరువాత 11 క్షేత్రాల్లో శ్రీ ఆంజనేయ దేవాలయాలు, మఠాలు స్థాపించారు. నెమ్మదిగా శ్రీ సమర్థగురు రామదాస్ మహారాష్ట్ర అంతటా వేయి హనుమాన్ మందిరాలు, అఖాడాలు నిర్మించారు.

ఆ కాలంలో పూర్తి దేశమంతా ముస్లింల చేతిలో హిందువులు ఎన్నో భయంకర దాడులకు, అత్యాచారాలకు గురౌతున్నారు. ఎన్నో ప్రాంతాల్లో రాజ్యాధికారం ముస్లిముల చేతిలోనే ఉంది. భక్తి ఉద్యమంతో పాటు, ముస్లిముల చేతుల్లోంచి అధికారం తిరిగి పొందడం కూడా దైవకార్యంగానే శ్రీ సమర్థగురు రామదాస్ భావించారు. `స్వరాజ్యం ధర్మకార్యం. పరమేశ్వరుని శిరసు మీద ధరించి, మన దేశాన్ని సర్వనాశనం చేసిన ముస్లిం రాజుల మీద యుద్ద్ధం ప్రకటించండి, దేశం కోసం ప్రాణాలను అర్పించడానికి వెనుకాడకండి’ అని శ్రీ సమర్థగురు రామదాస్ పిలుపు నిచ్చారు. `హిందూ ఆలయాలను ధ్వంసం చేసినవారు దైవద్రోహులు, అటువంటివారిని శిక్షించిన వారు దేవదాసులు, ఈశ్వరుని భక్తులు; ఈశ్వర భక్తులకి విజయం తధ్యం’.  అని అన్నారు

శ్రీరామనవమి మహోత్సవాలు

హిందూ సమాజాన్ని ఐకమత్యంతో ఒక్కతాటిపై తేవడానికి శ్రీ సమర్థగురు రామదాస్, శ్రీరామనవమి ఉత్సవాలు పెద్ద ఎత్తున నిర్వహించారు. ఆనాడు జరిగే  శ్రీరామ రథోత్సవాలలో, అన్ని కులాలు వర్గాలవారు ఎంతో ఉత్సాహంతో పాల్గొనేవారు.  

శిష్య పరంపర

శ్రీ సమర్థగురు రామదాస్ దేశ వ్యాప్తంగా హిందూ సమాజాన్ని జాగృతం చేసి, ఒక్కతాటిపై సమీకరించడానికి కృషి చేసారు. ఆయన తమ విస్తృత శిష్యపరంపర నుంచి, దాదాపు 1100మందిని `మహంత్’లుగా తీర్చిదిద్దారు, అందులో 300మంది మహిళలు, ఆనాటి సమాజంలో అది చాలా పెద్ద సంస్కరణ, ముందడుగు. వీరంతా దేశమంతా విస్తరించి, అనేక స్థానాల్లో, హిందూ సమాజాన్ని ఏకీకృతం చేసే పని నిర్వహించారు. వీరు కులాలకి అతీతంగా వేయి పైగా మఠాల స్థాపన చేసారు. తంజావూరు నుంచి కాశ్మీరు దాకా వ్యాపించిన ఈ మఠాలు, అఖాడాలు, ఛత్రపతి శివాజీ మహారాజుకి ఎంతో సహకారం అందించాయి. శివాజీ మహారాజు పుత్రుడు శ్రీ రాజారాం మహారాష్ట్ర విడిచి దక్షిణ భారతానికి వచ్చినపుడు, తంజావూరు మఠం ఆయనకు సర్వంసహా మద్దతు ఇచ్చినందువల్ల ఆయన ఇరవై సంవత్సరాల పాటు ఔరంగజేబుతో యుద్ధం చేయగలిగారు.

సాహిత్య రచనలు

హిందూ సమాజాన్ని దృష్టిలో పెట్టుకుని శ్రీ సమర్థగురు రామదాస్ అనేక ఉత్కృష్ట రచనలు చేసారు. అందులో ప్రముఖమైనవి- `దాసబోధ’ `కరుణాష్టక్’ `మనాచే శ్లోక్’ `సుందరకాండ మరియు యుద్ధకాండ’. వేలాదిమంది కార్యకర్తలను సుశిక్షితులుగా తయారుచేసి, సామాజికంగా సంఘటితం చేయడానికి ఎనలేని కృషి చేసారు. `అందరి హృదయాలలో శ్రీరాముడు నివాసముంటాడు, కులభేదాలు పట్టుకువేళ్ళాడడం అంటే మనందరిలోని శ్రీరాముడి అస్తిత్వాన్ని నిరాకరంచడమే’ అన్నారు.  వెనకబడిన కులాలనబడే వారితో పనిచేసి, వారిని సంఘటితం చేసి ఛత్రపతి శివాజీ మహారాజుకి తోడుగా తెచ్చి నిలబెట్టారు.

 (`భారత్ కీ సంత్ పరంపర ఔర్ సమాజిక్ సమరసతా’ హిందీ గ్రంథం ఆధారంగా)

–  శ్రీ కృష్ణ గోపాల్ శర్మ

అనువాదం: ప్రదక్షిణ